感受粤语情怀尽在【经典粤语歌曲】，欢迎关注！
看新剧《乘胜狙击》就关注下方公众号回复剧集名
张继聪（Louis）系公认嘅“爱妻号”，除咗令太太谢安琪（Kay）可以专心养胎，就孭起搵钱嘅重任又拍剧又拍广告，寻日仲系社交平台上发表爱的宣言感谢太太呢十年嘅陪伴同支持，令唔少网友都大赞十分感动，系超级好男人！Louis近年嚟人气爆灯，唔单只拍嘅剧受欢迎，仲成为广告界嘅新宠儿，频频接拍不同广告。最近佢仲伙拍网络红人豪Dee为一个曲奇品牌拍广告，豪Dee凭其搞笑功力，经常以夸张嘅扮相在其创作平台上载不同短片，吸纳不少粉丝支持，而今次有佢加埋Louis一齐伙拍广告，已经引起网民关注，仲话必睇呀，所以上载短短数天已经达75万次浏览，可见二人威力不知几厉害呀！
说咁快下个星期已经系新年，Louis呢段片就教大家点样系新年冧掂亲戚朋友，成功拎到利是。佢仲同大家分享咗三个拜年会遇到嘅问题，第一关喺“你是谁？”香港人生活咁忙碌，好多时都喺新年先会有机会同亲戚朋友聚吓，一年先见得一次，好多时都唔认得边位亲戚。片中Louis同豪Dee都唔例外，虽然佢哋唔认得位亲戚，不过以笑容搭够，豪Dee仲搞笑话：“睇佢一把乌黑嘅秀发，仲传来阵阵嘅咸鱼香，一定喺我哋亲戚。”哗，真系唔该晒喎，Louis立即使出杀手锏送上曲奇，嗰位姑姐不知几开心又揽又锡Louis，就系咁样成功拎到利是喇！网民都搞笑话平时自己都有送，但点解姑姐唔会又揽又锡同咁易就畀利是嘅，唔通要变到Louis咁型先得？
第二关系“长辈说教”，相信大家拜年时都一定会听过呢啲问题，你有冇拍拖呀？、你搵几钱一个月？不过好多时答咩答案都系唔合长辈心意，就好似Louis被问到你有冇拍拖，佢就话：“我经常都有拍拖。”但就畀位长辈话佢咁细个学咩人拍拖，仲唔畀利是添，豪Dee就一脸得戚话：“我最憎人拍拖。”当然佢以为咁就轻易拎到利是，咁就错喇，佢就畀人话几十岁都冇拍拖，将来冇人要呀！呢个情况，Louis就教大家要耐心聆听长辈嘅说话，之后再送上曲奇咁就轻易拎到利是。网民都纷纷留言话呢啲问题年年都听，答又死唔答又死，仲话当Louis拎盒曲奇出嚟嘅时候，真系笑死，个个亲戚嘅样都变晒，唔通呢盒曲奇嘅威力真系咁大，仲话今年都试吓先。
最后系“如何化解热情嘅小朋友”，Louis同豪Dee就畀一班小朋友围住，为咗要解开呢个困局，Louis即刻拎咗利是出嚟，小朋友仲即场静晒谂住等拎利是，点知Louis收番埋以曲奇取替，见到真系唔知讲咩喇！网民就话如果利是变曲奇，应该会当场喊出嚟呀，仲高呼还我利是，真系十分搞笑！
网民有话儿：
KXX：讲到盒曲奇咁神奇，今年都试吓！
AXX：年年都会遇到的问题，等我今年学吓Louis。
CXX TXX：Louis同豪Dee呢个组合好新鲜，好好笑！
MXX：Louis好型呀！好钟意佢！
VXXXX：呢段片太搞笑喇！
商务合作QQ/微信：24502371(注明合作)
剧集客服微信：sys0469114
小编今天给大家推荐最好玩的手游了
在本公众号菜单栏里点击游戏中心
小编已经在游戏里等你了，快点和小编一起玩游戏吧！
点击下方“阅读原文”开玩最火游戏《口袋妖怪联盟》
