【演技大爆发】阿田痛失爱女崩溃再流涕

视后真系视后，啲演技真系冇得输，话喊就喊，仲喊到鼻涕都流埋！讲紧嘅咪就系田蕊妮（阿田）啰！寻晚除咗佢，个个都睇到真系喊出嚟，因为佢个“女”死咗呀！今期流行无綫热播剧《迷》，高潮一浪接一浪，前晚阿田先同佢个女简淑儿玩互掴，唔只阿田闹得好，网民都大赞简淑儿够“衰女”

不过正所谓“好戏在后头”，估唔到上演完一场母女大战后竟然系离别之时……

寻晚喺剧中郑嘉颖就同阿田讲佢个女死咗，阿田开头完全唔相信但又呃唔到自己，直至见到啲证据先冇得唔信，仲喊到差啲晕低（有理由相信佢真系想晕），个情感演绎完成恰到好处，但身为视后点只得呢啲，去到认尸时，阿田要爆啦！

阿田终于见到个女，不过对方已经系一副没有灵魂嘅躯壳，痛失挚亲嘅阿田好自责，唔只崩溃泪如雨下，仲喊到鼻涕都流晒出嚟，啲内心戏够自然又有起承转合，真系睇到一班网民劲心酸，纷纷喺阿田个Instagram留言赞佢演技更上一层楼、收放自如、有层次，好评数都数唔晒！而阿田就话老公杜汶泽都赞佢，仲要饮杯庆祝！