包包都玩！《爱．回家》马家齐齐定镜

“假人挑战”（Mannequin Challenge）由上年红到依家，个个争住拍片放上网开心些牙，就连圈中人都玩埋一份。好喇，嚟到今次，终于都到《爱．回家》嘅马家同人为大家“献技”！

“马子仁‬”罗天宇上载咗马家Version嘅“假人挑战”片段去社交网，今次真系好齐人，片段一开波就有徐荣孖住万众期待嘅“马家好”徐心怡（包包），再有刘丹“蓄势待发”望实包包，跟住就见到黎诺懿边讲电话边玩健身，罗天宇就睇紧靓红酒，蒋家旻就执紧枱，可惜镜头快得滞，搞到佢个样劲Blur，到最后就有林漪娸企定定赏花。

哗，成个马家都好认真，郁都冇郁过，不过讲到最叻猪就一定系包包，细细个就识得咁配合镜头，不过唔知系咪因为怕包包周身郁唔习惯，所以就畀佢同老窦徐荣最先出镜，之但系网友就嫌唔够喉，想包包出镜耐啲咁话喎～～～