拒绝收兵　陈法蓉单身一样开心

港剧剧透社 · 公众号 · 电影 · 2017-01-01 20:57

正文

陈法蓉出席摄影展，她表示她是主办机构的爱心之星，并曾跟随他们到甘肃作慈善探访，令她十分难忘，她说：“经常听到当地冇水，当地人好耐先冲一次凉，去到发现水真系好珍贵，佢哋要去好远嘅河边攞水，条水仲有好多动物。初时要饮当地嘅水都有啲惊，担心饮唔饮得㗎，但嗰几日一齐生活，饮用佢哋嘅水，系完全冇唔舒服，水对我哋嚟讲系好理所当然，但对佢哋系好弥足珍贵，仲要同我哋分享。”她透露希望今年能跟随他们到内蒙探访，亦有意组团到印度做慈善工作。

自爆有“天气报告男”送暖

至于感情方面，她坦言仍未有着落，并笑谓：“我到2017年仲未结婚有两个可能性，一系冇人肯娶我，二系未遇到个啱我嘅人，啲人话我仲未嫁得出好失败，我唔觉得，我好开心，我系个开心嘅单身女人，唔会因为结婚而结婚。（有冇追求者？）唔算系追求者，有天气报告男，会话天气冻叫你着多件衫，离追求者有段距离，暂时未有合适嘅人选出现。（遇到啱会唔会主动出击？）我从来唔会主动出击，我系个好内向嘅人，要等对方追求到我好竭斯底里，我先会考虑接唔接受，我好享受畀人追求，但我唔锺意收兵，如果对方唔系我心目中锺意嘅人，我会好快打沉佢。”