ལོ་ངོ་༢༠ལྷག་ཙམ་རིང་གི་བརྙན་འཕྲིན་བྱ་བཞག་ནང་ཁོང་གིས་བོད་ལྗོངས་སྲུང་སྐར་འཕྲིན་ལམ་གྱི་གངས་ལྗོངས་ཀུན་གླེང་ཞེས་པའི་ལེ་ཚན་གྱི་རྩོམ་ཁྲིད་པ་དང་གཙོ་སྐྱོང་པ་། བོད་ལྗོངས་བོད་སྐད་སྲུང་སྐར་འཕྲིན་ལམ་གྱི་སྒྲོན་མེ་ཞེས་པའི་ལེ་ཚན་གྱི་གསར་འདོན་པ་། དེ་བཞིན་སྤྱི་ལོ་༡༩༩༥ལོ་ནས་སྤྱི་ལོ་༢༠༠༩ལོའི་བར་གྱི་བོད་ཀྱི་ལོ་གསར་མཚན་ཚོགས་ཀྱི་གཙོ་སྐྱོང་པ་དང་། སྤྱི་ལོ་༢༠༡༣ལོ་ནས་༢༠༡༥ལོའི་བར་གྱི་བོད་ལྗོངས་སྲུང་སྐར་འཕྲིན་ལམ་གྱི་བཀྲ་ཤིས་པའི་ཞོགས་པ་ཞེས་པའི་སྤྱི་ཁྱབ་འཁྲབ་ཁྲིད་པ་། སྤྱི་ལོ་༢༠༡༦ལོའི་བོད་སྐད་ལོ་གསར་མཚན་ཚོགས་ཀྱི་སྤྱི་ཁྱབ་འགན་འཛིན་པ་བཅས་ཀྱི་ཕྱག་ལས་མི་གཅིག་པ་མང་པོ་ཞིག་གནང་མྱོང་ཡོད་།
དེས་མ་ཟད་ཁོང་ཡང་བོད་མི་དམངས་ཀྱིས་དགའ་བསུ་ཆེན་པོ་ཐོབ་པའི་གླུ་པ་ཞིག་ཀྱང་ཡིན་པ་མ་ཟད་ཁོང་གིས་བཏང་གནང་བའི་གླུ་གཞས་རེ་རེས་ང་ཚོའི་སེམས་ལ་བབས་ཆགས་ཟམ་མོ་ཞིག་ཀྱང་བཞག་གནང་ཡོད་། སྤྱི་ལོ་༡༩༩༥ལོ་ནས་༡༩༩༧ལོའི་བར་དང་སྤྱི་ལོ་༢༠༠༨ལོ་བཅས་ལ་སྔ་རྗེས་སུ་རང་ཉིད་ཀྱི་ཆེད་སྒྲིག་གླུ་གཞས་ཐེངས་བཞི་འདོན་མྱོང་ཡོད་ལ་དེའི་ནང་གངས་ལྗོངས་ཀུན་གླེང་ལེ་ཚན་གྱི་བརྗོད་དོན་གཙོ་བའི་གླུ་གཞས་དང་ང་ཁྱེད་ལ་དགའ་བོད་ལྗོངས་ཞེས་པ་དང་དེ་བཞིན་ཨ་མའི་ཨོ་ལོ་། སྐལ་བཟང་ལགས་ཞེས་པ་སོགས་བཏོན་གནང་ཡོད་།
སྤྱི་ལོ་༡༩༩༥ལོ་བཟུང་ཁོང་གིས་ད་དུང་ཀྲུང་ཧཱ་ཡི་དམངས་གཞས་ཞེས་པ་སོགས་དར་ཁྱབ་ཆེ་བའི་གླུ་གཞས་མང་པོ་བསྐྱར་ལེན་བྱེད་མྱོང་ཡོད་ལ་དེའི་རྗེས་ཁོང་རང་ཉིད་ཀྱི་ཀྱང་བོད་རྒྱ་སྐད་ཡིག་གཉིས་ཀྱི་གླུ་གཞས་མང་པོ་གསར་གཏོད་གནང་མྱོང་ཡོད་།
དུས་ད་ཆ་རང་མོས་འཇིགས་གྲགས་ལགས་ཁོང་གིས་བོད་མི་རིགས་ཀྱི་ཕུལ་བྱུང་རིག་གནས་ཀྱི་སྒྱུ་རྩལ་རྒྱུད་འཛིན་བྱ་རྒྱུར་འབད་པ་བྱེད་དང་བྱེད་བཞིན་ཡོད།
