难忘鲁芬搞笑一面　祖蓝：要似佢咁豁达

王祖蓝分别于节目《奖门人》及电影中都曾与鲁芬多次合作，而祖蓝结婚时，亦有邀请对方出席婚宴，对于鲁芬今晨因病逝世，祖蓝接受东网独家访问时坦言：“同鲁芬姐合作每一次都好开心，无论录《奖门人》抑或拍电影，佢都系好好玩嘅一个，到今时今日，都同其他人讲，要好似佢咁豁达，先可以做到搞笑节目，喺《奖门人》入面，我孭过佢，最近同佢合作过一部电影，戏入面本来净系同佢闹交，但我就临时谂到，不如嚟个法式湿吻啦！我觉得效果会好啲，我问佢得唔得，佢话：‘你得我实得㗎！’咁就大家好豁咗出去，有场接吻戏，拍咗好多个take，大家都觉得效果好好，唔会介意啲乜，所以佢系好专业好专业搞笑嘅演员，同埋每一次做游戏节目，佢都系胆，好能够带起成个气氛，有佢喺度嗰集，都会好好玩。”

而祖蓝又记得自己婚宴时，主题是化妆舞会，鲁芬又继续搞笑，成为全场焦点，每次她都花尽心思，务求带给大家欢乐、惊喜，祖蓝谓：“嗰次真系好多谢佢，佢扮乌苏拉，带咗好多欢乐畀大家，呢个系要永远记住鲁芬姐喺我哋心目中最搞笑、最专业嘅一面，我哋都颁咗个最佳衣着奖畀佢，佢每一次都系咁尽情咁玩，好多谢佢！”

商务合作QQ/微信：24502371(注明合作)