惊现巨瘤！“红衫鱼”苏韵姿停剧做手术

上年香港小姐选举，当时身材出众加上有甜美样子嘅苏韵姿（Andrea）瞬即成为热话候选人之一，喺日本拍外景时，乌身打沙排“胸涌”上围尽现一幕更加令人印象深刻。虽然最后止得第四名，不过Andrea喺娱圈发展都几顺利，依家佢就拍紧无綫处境剧《爱．回家之开心速递》饰演“红衫鱼”一角，之后嘅《老表，毕业喇！》都有份演出。

近期喺《开心速递》中发现Andrea右颈近颚骨位置生咗个乒乓波咁大嘅瘤，情况仲好似愈嚟愈严重，隔几集仲好似又大咗咁。就此事向Andrea查询，她直认肿瘤愈嚟愈大，仲同无綫攞咗两星期假去做手术：“之前选美时已经有，开头以为唔够瞓压力大，所以淋巴肿咗好普通，点知选完之后都仲有，不过唔系好严重就冇太留意，之后突然大得好快，当时好担心即刻搵医生check，医生都建议我做手术，同公司倾过，配合到有两星期假已经去咗做手术，切除验过冇问题。”

经历过呢次肿瘤事件之后，Andrea表示好多谢身边人同家人嘅关心：“同事、身边朋友好take care我，同届港姐港男都好关心我好锡我，妈咪仲飞咗嚟香港照顾我，依家手术好顺利，冇晒事啦！”

商务合作QQ/微信：24502371(注明合作)

剧集客服微信：sys0469114