人气星二代　陈敏之3个月大囝囝拎奖

陈敏之带同囝囝“雷冬至”雷子乐出席“微博之星颁奖礼”，见到BB眼仔碌碌，十分精灵。讲到首次带BB出席公开活动，她谓因为BB获得“微博人气星二代”：“系佢人生第一个奖，三个月就攞奖好神奇，未试过咁细个攞奖，所以都特登造咗套西装畀佢攞奖。（佢出嚟有冇唔惯？）佢完全冇喊，好识做，喺车就瞓觉，见人就擘大眼，好似遗传咗我，见到镜头特别敏感影相。”

唔抗拒BB拍广告

问到可会想与BB一齐拍广告？敏之谓：“梗系好，但长时间拍嘢就唔想。（老公唔抗拒？）拍广告唔抗拒，拍剧就唔得，唔想咁高调，今晚因为有纪念价值所以先高调一下，平日就会低调。（但你都会甫BB啲相？）唔同，但依家都唔想甫咁多，唔想佢有咩事，都想保护小朋友，听日佢百日宴，今日就攞奖，好似喜事重重咁，希望佢身体健康、快高长大。”

商务合作QQ/微信：24502371(注明合作)

剧集客服微信：xiaoli-0007