金钱一向系冧女必杀武器，不过呢个伎俩可能因为张继聪而改变。最近Nuts哥身边不少红颜知己都心心眼咁话“恨有阿聪做老公”！除咗因为佢拥有“威而钢”嘅body，亦被佢嘅真情所感动，皆因阿聪喺1月20日凌晨喺社交网“向全世界说爱Kay”，发表庆祝锡婚嘅爱的宣言，冧晕大肚Kay就梗㗎啦，仲令一街港女成地“葡萄”，酸到流晒口水。
阿聪段冧老婆宣言系咁写嘅：“感谢成为我的妻子及最好嘅朋友。晃眼十年因为有你同行，就算走过高山低谷，我觉得沿途风光明媚。能够有如此灵魂伴侣，让这趟地球之旅变得幸福圆满……”哗！真系冧到呢！我Nuts哥自问集韩国热爆剧《鬼怪》两位男主角孔侑加李东旭嘅外表同埋情深，不过讲到冧女手段喇喎，Nuts哥都甘拜下风，真系要跪求阿聪过两招嚟傍吓身。
“B餐”暖男最抢手
或者有啲拜金港女会藐：“唓！暖男有乜用吖！唔会有情饮水饱。”冇错，可能有啲女仔觉得日日买名牌、搭直升机去high tea、有保镖跟出跟入好似好威，但系畀个有钱佬同你一齐咁又点啫？得闲公开数吓你、揭吓家丑咁，你估好过瘾咩！虽然我唔知Kay饮阿聪啲水系咪会饱，不过做咗张太成十年都依然索爆，就知佢生活好惬意啦！如果Nuts哥系女畀我拣，“A餐”用几十万买个A1广告向我示爱贺寿，“B餐”就零消费喺社交网感激我陪佢“走过高山低谷”，我一定会拣“B餐”啰！唔系扮清高，只系嫌有啲人太铜臭啫！
“B餐”聪唔单止令你warm，佢嘅不死上进心同无敌EQ，亦叫不少雄赳赳嘅猛男为之“钦敬”！阿聪话“就算走过高山低谷，我觉得沿途风光明媚”，相信都系讲紧当年婚后，天后老婆嘅事业发展将佢远远抛离，阿聪惨成网民围攻嘅地底泥，无限不堪入耳嘅称呼“废柴老公”、“谢继聪”等尽出，“樽盐”半粒都冇剩，阿聪亦因为舆论压力而患上抑鬱症，好彩佢最后都谂通咗，更加将自己嘅EQ提升到极致！记得当年Kay同陈奕迅传绯闻，阿聪为妻护航抛金句：“我比我太太更爱陈奕迅！”一招以力打力，更加显出佢对老婆嘅爱同风度。虽然阿聪喺口诛笔伐下成长，但佢喺不对嘅时间遇上对的人，而Kay亦将“女人最大嘅成就，就系成就老公”嘅贤妻本色发挥得淋漓尽致，两公婆就系咁样携手挨过低谷，走上高山。
“震波猜枚”技惊四座
机会只系留畀有准备的人。喺老婆力撑之下，阿聪从来冇放软手脚，一直努力装备自己，由一支针咁嘅“废柴”身形，练成铁柱咁坚挺嘅爆肌胴体，42吋“胸器”、8旧腹肌加埋麒麟臂！结果冇呃你，上帝闩咗道门都会留番个窗畀你！阿聪就喺2013年接拍无綫剧《老表，你好嘢》饰演软饭王“潮潮”人气急升，翌年喺《老表，你好hea！》一幕“震波猜枚”更是技惊四座，成功洗霉底，同年喺无綫颁奖礼夺得“飞跃进步男艺员”，由网民口中嘅“瘟神”变成“男神”！
今时唔同往日，Kay依家佗住个女，阿聪一力担起头家，依家粉丝见到Kay，只识叫：“呢个咪张继聪老婆！”
商务合作QQ/微信：24502371(注明合作)
剧集客服微信：sys0469114
小编今天给大家推荐最好玩的手游了
在本公众号菜单栏里点击游戏中心
小编已经在游戏里等你了，快点和小编一起玩游戏吧！
点击下方“阅读原文”玩女生最钟意的游戏《全民穿越之宫》
