༡
སྔོན་པོ་ཐང་གི་ཐང་དཀྱིལ་ན།།
གསེར་གྱི་ཟོར་བ་ཡུ་མེད་ཅིག།
༢
སྐྱ་ཀ་ཁྲ་མོ་ཁུང་འཛུལ་མ།།
རྔ་མདའ་ལེབ་མོས་སྒོ་གཅོད་མ།།
༣
བྱི་རུ་དམར་བོར་སྒམ་ཆུང་ནང་།།
གསེར་གྱི་དོང་ཙེ་བརྒྱ་ཡིས་བཀང་།།
༤
མི་བརྒྱ་ལ་སྐེ་རགས་གཅིག་ཡོད་པ་དེ་གང་ཡིན་ནམ།
༥
ཕྱི་མཁར་མོ་ཡག་གི་མཁར་ནང་ན།།
ནང་མཚོ་མོ་ཡག་གི་མཚོ་ནང་ན།།
ཤིང་གུཡ་ཀུམ་རྒྱལ་བོའི་རྩེ་མོ་ན།།
རྗ་བླ་མ་ན་བཟའ་སེར་བོ་ཅན།།
༦
ཙན་དན་སྡོང་བོའི་རྩེ་མོ་ནས།
གཡུ་འབྲུག་སྔོན་མོས་འཁྱུག་འགྲོས་བྱེད།
༧
རི་གསུམ་མགོ་ལ་བྱ་ཞིག་བབས།
བྱ་དེའི་ཁོག་པ་བྱུ་རུས་གང་།
༨
འགྲོ་དུས་ཟུར་གྱིས་འགྲོ།
འདུག་དུས་ལེབ་གྱིས་འདུག
༩
བྲག་གི་ར་མ་སྔོ་རིས་མ།
ལྷུང་ལ་ཡོད་ཀྱང་ལྷུང་རྒྱུ་མེད།
༡༠
ཐང་དཀར་བོ་ཞིག་ན།
ལུག་ནག་པོ་ཞིག
ལུག་རྫི་གླུ་བ་ཞིག
༡༡
འདོ་རིགས་རྟ་ཕོ་དྲུག་ཞིང་ཅན།།
ལྕགས་ཀྱི་སྒ་ཆ་ལྷུ་མང་ཅན།།
ཟངས་ཀྱི་བུ་ཆུང་ཞེ་སྡང་ཅན།
༡༢
རྒྱ་ནག་ཡུལ་གྱི་གོས་གོན་མ།།
རྒྱ་མཚོའི་གཏིང་གི་ཆུ་འཐུང་མ།།
རྒྱ་རྫོང་ནགས་ཀྱི་བྱ་འཛིན་མ།།
༡༣
བན་དེ་གཟན་ཤམ་དམར་པོ་ཅན།།
ཁོག་ན་ཤིང་གི་གྲོད་པུ་ཅན།།
༡༤
ནམ་ཚོད་འཛིན་པའི་ལྷ།།
ཐང་མ་བརྡལ་བའི་འདྲེ།།
༡༥
མགོ་ནི་སྲིད་པའི་ཨ་ལོང་འདྲ།།
སྐེད་པ་དངུལ་དཀར་མེ་ལོང་འདྲ།།
རྔ་མ་སྦྲུལ་གྱི་མཇུག་མ་འདྲ།།
སྟོང་གསུམ་ཀླད་ལ་སྐོར་ཉིན་དེར།།
དུད་འགྲོ་ཟོག་གི་སྙིང་རྕ་འདར།
༡༦
གོར་གོར་ཟླ་འདྲ་འདྲ །
ནང་གྲུ་བཞི་བྲེ་འདྲ་འདྲ །
༡༧
རྒྱ་གར་ཡུལ་ནས་བྱ་ཞིག་ཡོང་།
རྒྱ་མཚོའི་ནང་ལ་མཆུ་ཞིག་བཤལ།
ཕ་གིའི་ཐང་ལ་རྗེས་ཤིག་ཕག
༡༨
སྐྱེས་གཟུགས་དྲང་བའི་དཔའ་བོ་ཞིག
ཀླད་པའི་གཙིག་ན་ཁ་ཞིག་ཡོད །
འགྲམ་པའི་ཐོག་ན་སྤུ་ཞིག་ཡོད །
རྐང་བའི་མཐིལ་ན་ལ་ལྕགས་ཤིག་ཡོད །
༡༩
མཁའ་འགྲོའི་བུ་མོ་གླུ་ལེན་མ །
ས་འཛིན་མེ་ཏོག་བཅུད་ལེན་མ །
དར་ཚོན་སྣ་ལྔའི་གོས་གོན་མ །
དུད་བཞིའི་དབྱར་སྟོན་འཚོལ་མཁན་མ །
明日藏历 སང་ཉིན་ལོ་ཐོ།
གཞིས་རྩེའི་དྲ་ཐོག
点击“阅读原文”，即可查看“视频”，也可寻找你想要的更多内容。。。
