袁伟豪复合冇望放低旧情　发掘单身乐趣

港剧剧透社 · 公众号 · 电影 · 2017-01-01 20:57

正文

袁伟豪（Ben）到上水广场出席除夕倒数活动，大晒唱功又与观众玩游戏，问到事前有否特地练歌？他说：“平日驾车、等埋位都会唱吓，但练习时间系唔够，尽量保持把声状态好啲啦！”早前Ben夺得台庆颁奖礼我最喜爱的电视男角色，问到出骚酬劳有否增加？他笑说：“有开心咗，全靠公司安排，客户都好好会加啲。（2017年有咩大计？）都好忙，《使徒行者2》会拍到3月中，4、5月同杨明出埠做打工节目，之后到年底又拍一套新剧，可能中间会自己抽时间去旅行。”

早前Ben跟旧爱岑杏贤分手，之前曾想箍煲的他似乎已无奈放低，问到旅行是否想洗涤心灵、放低旧情？他说：“放低咗架喇！难得依家系单身，有啲嘢可以自己去发掘，依家喺深圳拍剧，都会周围行吓，睇吓书，我都想自己去吓旅行。（发掘吓单身好处？）唔……唔使吓吓都交代啦！比较随心，可以自己驾电单车出街，系Enjoy。（有冇多咗女仔埋身想坐你电单车尾？）我架车唔系咁易载人嘅！（要咩资格？）要唔怕快，唔怕左摆右摆，讲真我唔系咁易车人，车得都系女朋友，除非同事坐顺风车啦！（新一年唔急再拍拖？）顺其自然啦！工作为主先，缘份再到就迎接，否则开工都好开心！呢一年过去喇，都要放低向前行，呢个只系阶段嚟。”问到会否跟岑杏贤讲新年快乐，他大方地说：“一定会Send，个个都会，不停转发贺年啲祝贺字句。”