青春无敌却在TVB十年有名无利 约满后她选择离开！

本文首发于 夜听港剧 公众号（ ytgangju ）

人生有几多个十年？又有几多个黄金十年？

十年嘅时间足以改变好多事情：达文西用十 年 画完旷世名画蒙娜丽莎嘅嘴唇；张敬轩港漂十年踏入红馆开骚跻身一线歌星；甚至乎， TVB 可以用十年时间令 旧剧《兰花劫》 “重见天日” ... ... 而佢嘅十年，你可曾记得？

即将 31 岁嘅 TVB 花旦乐瞳，噚日同TVB完约，但佢决定出走外闯。

07 年加入无线，至今有 10 年时间，乐瞳接受专访讲道：“呢 10 年，我搵唔到钱。但我得‘乐瞳’呢个名（原名龚茜彤），好多人喺街走埋来问我下一套剧拍啲乜，佢哋话钟意我演戏，我赚咗呢啲。但我失咗我嘅青春。”

“我最宝贵十年都喺公司。但各有得着。当年喺公司时係妹妹仔阶段，依家妹妹仔成熟咗，跳出嚟係淑女。”乐瞳强调係“窈窕淑女”，唔係“熟女”：“我想做一个窈窕淑女，我要再减肥，要再刻苦啲，大家多多包涵。”

而回顾翻乐瞳呢 10 年，似乎有啲“上唔到落唔来”嘅感觉。

2006 年乐瞳参与电视节目《美女厨房》进入演艺圈； 2011 年乐瞳喺《点解阿 Sir 係阿 Sir 》饰演反叛少女而正式入屋，仲被网民追捧做女神。

2012 年乐瞳出演剧集《当旺爸爸》，获得唔少戏份。

其后乐瞳喺《护花危情》出演表妹李巧欣，得到唔少好评嘅声音。

《回到三国》入面乐瞳饰演马国明的妹妹司马娟，青春可人，深得网民喜爱，大赞佢 “好索”。

后来乐瞳喺《幸福摩天轮》、《初五启市录》、《情越海岸线》等剧集都係徘徊喺女二女三之间，一直好多戏份 但又红唔起来。

当中原因其实好简单又令人无奈： TVB 花旦众多，有啲已经占据咗一定嘅位置，还有每年选美选秀涌现嘅新人，所以有人被忽略好正常，乐瞳就係其中之一。