张继聪和白只今日到佐敦为新片灌录主题曲，负责作曲及监制的波多野裕介，亦有现身，三人齐齐jam歌！
多得King Sir鼓励
向来搞笑的张继聪，在合照时与白只十指紧扣，令白只表现尴尬，阿聪说：“同白只咁耐兄弟，都系第一次一齐录歌，都要多得佢带挈，起初听到佢话拍丧尸片，我又想玩喎，结果介绍咗我，唔单止咁，今次仲可以同万梓良合作，佢知我哋系锺景辉嘅学生，好照顾我哋，我哋被丧尸追，佢都要跑，但会不断鼓励我哋，系好专业嘅演员！”
可以带大仔睇丧尸片
问到会否批准老婆谢安琪欣赏这出电影？阿聪说：“佢喺我上年拍嗰阵已经问我套戏几时上，（畀初生囡囡睇？）哗，佢入场嘅话，就我唔使睇，记得我个仔细个嗰阵，我带佢入戏院，唔够五分钟佢就嗌走。（依家可以带个仔去戏院睇？）可以，但如果佢瞓唔着你要负责，佢会话：‘带我睇啲恐怖戏，我今晚唔可以早瞓㗎啦！’”
佢收……啦！
白只对于阿聪受访期间猛笠他高帽，他说：“佢收……啦！（喺阿聪面前，你怕丑？）其实同阿聪可以合作电影，系今次最大嘅意义，另外仲有万梓良（万子），可以直接近距离感受佢嗰啲戏，系一件好癫嘅事！就算我哋喺休息饮水嘅时候，万子都会同我哋分享佢嘅经验。”
商务合作QQ/微信：24502371(注明合作)
剧集客服微信：
xiaoli-0007
