མ་བུའི་བརྩེ་གདུང་།
རྩོམ་པ་པོ། བཏགས་ཁྱི།
• འུ་ཚོ་གོ་རིམ་གང་ལྟ་བུ་ཞིག་བརྒྱུད་དེ་ནར་སོན་པ་རང་ཉིད་ཀྱིས་ཧ་གོ་བར་གྱིས།
སུ་ཞིག་གིས་གཅེས་སྤྲས་བྱས་ཏེ་ནར་སོན་པ་རེད།
ཕ་ཡུལ་དང་བྲལ་མ་ཐག་ཏུ་རང་ཉིད་ཀྱི་དྲིན་ཆེན་སོགས་གཞི་ནས་བརྗེད་མི་ཉན།
འདི་ལས་ཡན་གྱི་ཁྱོད་ལ་ཤ་ཚ་ཚ་དང་ཞེ་དམར་དམར་བྱེད་མཁན་ཞིག་གང་དུ་ཡོད།
ཁོམ་ལོང་ཅུང་ཙམ་རེ་ཡོད་དུས་ཕ་མ་ཚོར་ཁ་པར་རེ་ཐོངས།
ཐག་ཉེ་སར་ཡོད་པ་དག་གིས་ཚིག་འཇམ་ལག་འཇམ་གྱིས་ཞབས་ཕྱི་ཡག་པོ་རེ་སྒྲུབས།
མི་ཚེ་ནི་ཐུང་ཐུང་རེད། དེ་ལས་ཀྱང་དྲིན་གཞལ་གྱི་དུས་ཚོད་ནི་ཤིན་ཏུ་དཀོན་མོ་རེད།
ཆུང་ཆུང་བྱིས་པའི་སྐབས་སུ་བསམ་མི་ཤེས་པས་དྲིན་ལན་འཇལ་ཟེར་ན་དཀའ་མོ་རེད།
ཆེ་དུས་ནི་རང་གི་མདུན་ལམ་དང་ལྟོ་རྒྱབ་ཀྱི་ཆེད་དུ་འདུར་རྒྱུགས་བྱས་ཏེ་ཕ་མ་གཉིས་ལ་དམིགས་བསལ་གྱིས་ཞབས་ཕྱི་ཡག་པོ་ཞིག་འཁྱོངས་ཀི་ཡོད་པ་མ་རེད།
ནམ་ཞིག་ཕ་མ་དང་བྲལ་ཟིན་པའི་ཉིན་མོར་འགྱོད་པ་སྐྱེས་ཏེ་མིག་ནས་མཆི་མ་དང་ཁ་ནས་ཅི་ཙམ་སྨྲེ་སྔགས་འབྱིན་ཡང་ཕ་མར་གང་ཡང་ཕན་པ་མ་རེད།
དེ་བས་ད་ནས་བཟུང་དྲིན་ལན་ཅི་ཐུབ་ཅིག་འཇལ་ཐུབ་བྱོས།
ནམ་ཞིག་ཕ་མ་དང་བྲལ་ཡང་འགྱོད་པ་མེད་པ་དང་།
ཕ་མར་བྲལ་བའི་སྡུག་བསྔལ་དེ་གདོང་ལེན་ཐུབ་པ་བྱོས།
ཕ་མའི་རེ་བ་དང་བཤད་པའི་སྐད་ཆ་དག་ཡིད་ལ་ཟུངས།
གཞན་དྲྭ་ལམ་དུ་ཨ་ཕ་ཨ་མ་བདེ་མོ་ཡིན་ནམ།
ཡང་ན་ཚེ་རིང་ནད་མེད་ཀྱི་ཁ་གཡང་ཞིག་གིས་ཕ་མར་ཕན་ཐོགས་དང་ཕ་མའི་ཞེ་སེམས་ངོ་མ་དེ་དགོད་དུ་འཇུག་ཐུབ་ཀྱིན་ཡོད་པ་མ་རེད།
ཕ་མའི་ཞེ་སེམས་ངོ་མ་དེ་དགོད་དུ་འཇུག་འདོད་ན།
དེ་ནི་ཕ་མའི་ཁ་ལན་ཚིག་བརྩི་བྱས་ཏེ་ཕ་མའི་རེ་བཞག་འགྲུབས་ཐུབ་པར་བྱེད་མཁན་དེ་རེད།
དེ་བས་ཚང་མས་དུས་ཀུན་ཏུ་ཕ་མར་དོ་སྣང་བྱོས། ཕ་མ་སྣང་མེད་དུ་གཏན་ནས་འཇོག་མི་རུང་།
ཕ་མས་དུས་རྒྱུན་ཁྱོད་ཀྱི་ཉེ་ས་ན་མིག་ཟུང་ཅེར་ཏེ་རྣ་བ་བླགས་ནས་བསྡད་ཡོད།
ཚེ་རིང་རྒྱུ་ཚོ། རང་གི་ལྟོ་རྒྱབ་སྐྱིད་དུས་ཕ་མ་མ་བརྗེད། ཞལ་དྲོ།
明日藏历 སང་ཉིན་ལོ་ཐོ།
གཞིས་རྩེའི་དྲ་ཐོག
点击“阅读原文”，即可查看“视频”，也可寻找你想要的更多内容。。。
