又一个港剧怀孕 宣布佗B四个月

前港姐杨洛婷同乐队Dear Jane成员阿Tim（黄天翱）结婚多年一直恩爱，不嬲都放晒声气话恨造人成功，仲话好多人提供造人姿势资料，仲讲到话屋企楼底高，试吓喺楼梯造人High啲容易有BB㖭！估唔到事隔唔够一年，终于都传嚟喜讯！

今日杨洛婷趁复活佳节，公布有BB，仲好应节咁用公仔扮鸡冠鸡凤，仲加埋一只复活蛋，并大玩食字留言，兼自爆腹中块肉已经16周大，即系已经有咗4个月喇：“WE ARE EGG-SPECTING!! Tim and I are so blessed and extremely egg-excited to say that there's going to be 3 roosters in the house soon!Happy Easter everyone!!（我同Tim好开心宣布怀孕，我会将会迎接第三名成员，大家复活节快乐！”

BB香港制造

Tim获东网记者恭喜终于造人成功时，他在电话中笑不停：“多谢，多谢，今日公布因为觉得复活节系适当时候，太太都有咗16周身孕。（之前两人曾表示尝试在楼梯造人，问他是否成功了？）哈哈哈，可能喺楼梯、喺band房或者厨房，不过一定系made in HK。”至于BB性别？他说：“暂时要保持神秘，只得我父母知，男女都冇所谓，不过一定系鸡仔。（即系囝囝？）我意思系BB属鸡，可能系鸡女。（如果系女就系你前世情人喎？）咁刺激，男女都冇所谓，加埋我哋两个都系属鸡，全屋系鸡。”他又说太太预产期是9或10月时，会在香港生产，现时已搵了陪月，但未搵到医生床位，他又说：“原来陪月都几贵，虽然唔系几万，都万几㗎。”

杨洛婷将停工安胎

问到太太是否全面休息，他指太太完成手头上的工作就会好好安胎，因他已安排了工作，都会继续开工，但不会接太多新工作，想多留时间陪太太，又说因为将来要养BB要努力搵钱。问到太太现时的身体状况，他指太太的肚愈来愈大，但摸太太肚时尚未感觉到BB郁动，可能胎尚小有关，又指太太佗BB不算太辛苦，只会间中作呕，怀孕后太太爱上食陈皮等凉果，他搞笑说：“可以医作呕。”

唔敢行近楼梯

Tim又说5月是太太生日月，故会带太太往非洲毛里裘斯庆生，过最后一个二人世界及迎接三人世界，记者笑说旅行时，太太又怀孕，他就要“忍吓”，他又哈哈笑：“尽量啦，楼梯都唔敢行咁近。（叫老婆唔好咁性感？）哈哈，佢成日都咁性感㗎喎。”

商务合作QQ/微信：24502371(注明合作)

剧集客服微信：xiaoli-0007