分手后首次撞正小方　邓丽欣敷定Mask

邓丽欣（Stephy）、方力申今年3月宣布分手后，相隔了8个月，两人今日以荣誉顾问身份，首次同场出席第五届“背水一战”启动礼。Stephy在活动上率先现身受访，期间并未见小方出现，Stephy被问到心情是好靓？她笑说：“日日都咁靓喎。（今日嚟呢度，事前有咩准备？）敷咗个mask！”作为荣誉顾问的她表示今年都想继续参加呢个活动，她说：“谂住带埋我队排球队一齐去跑，当Training上山跑咁，因为要孭住樽水跑，都要好好咁预备吓嘅，系一个好好机会去练吓体能。呢个活动搞咗好多年，宣传做得好好，由第一年有三千人参加增加到依家有六千人。”

同场唔尴尬

问到点解大会先安排Stephy做访问？Stephy解释：“阵间要做嘢，仪式完咗之后要即刻走。”今次是她与小方分手后首次同台碰面？她说：“心情冇乜特别紧张，其实都几有意思嘅，因为一开始大家一齐做呢个活动，小方都系呢个活动嘅荣誉顾问，点都好有时间都会出席。（同小方见面会唔会尴尬？）其实分手后都系第一次同场同见面，我哋都冇联络。（会否做番朋友？）唔会刻意，随意，唔需要刻意去做啲乜嘢。”

见番面“Say hi啰”

问到见到小方会点样？Stephy说：“Say hi啰！（会唔会八卦吓对方嘅感情事？）我不嬲都唔八卦嘅，应该一阵上台先至会见到。（会唔会倾吓偈？）唔知呀，say hi先，都系睇缘分。（会唔会同小方一齐跑呢个活动？）其实都几千人一齐跑，一齐跑都得啰！但唔知佢会唔会参加，如果参加咪一齐跑。（会唔会同佢一齐组队？）唔好喇，惊自己个成绩拉慢咗对方，因为男女跑嘅时间不同。（好似有啲芥蒂？）唔系，唔使刻意啰，佢会跑先算。（小方同超莲又被影到结伴出入？）唔八卦喇，留畀你哋问。”

复制这条消息，找开手机淘宝即可看到【12.12来了！开宝箱抢1212元现金大红包，还有4亿购物券】￥AAfFzhmg￥

看TVB新剧《幕后玩家》《致命复活》

已关注下方港剧档案公众号ID:gangju01回复剧集名