爱人结婚了，新郎新娘不是我，真系闻者伤心，听者流泪！如果嗰位爱人仲系大家嘅梦中情人，心碎嘅就系数以千万计嘅一众粉丝。好似近排男神周柏豪同拍拖8年圈外女友Stephanie Chu喺泰国布吉秘婚，正当大家忙住执番地下碎咗嘅心嗰阵。女神孙慧雪（雪雪）又被爆同男友罗天彦将于12月23日结婚，成为人妻，网上瞬即一片愁云惨雾，网民都大叫畀我个心抖吓得唔得…！为咗慰借大家破碎嘅心，有网民就恶搞咗《致命复活》入面嘅爆喊场面，重新配音剪辑，成为“柏豪结婚了，新娘不是我”同“雪雪结婚了，抢亲预埋我”两个片段，以解一众食紧酸提子嘅粉丝之苦。
“柏豪结婚了，新娘不是我”
先嚟第一段“柏豪结婚了，新娘不是我”出场嘅有朱晨丽，佢听到周柏豪结咗婚之后，即刻眼泪汪汪，仲有人递纸巾畀佢。之后到喊爆嘅谭凯琪，网民就引用咗周柏豪嘅痴情粉丝嘅网上留言做对白：“佢明明话系出埠做拍戏，原来去咗结婚！”跟住就到万绮雯出场，佢一边听电话一边流眼泪，旁白就话：“周柏豪结婚，乜新娘唔系你呀！”蚊蚊嘅配音就答话：“其实冇人叫我去布吉啰。”压轴出场嘅有王浩信，吓连王浩信都咁伤人，一边饮酒一边掩面痛哭嘅佢，配音一边唱周柏豪嘅首本名曲《百年不合》：“和你分开一百年…和你分开一百年。”网民都大赞片段讲中晒佢哋嘅心声，仲夸张到话边睇边流泪！
“雪雪结婚了，抢亲预埋我”
第二段“雪雪结婚了，抢亲预埋我”就积极得多，唔系净系挂住喊而系密谋抢新娘（小编都想加入）。成段片以陈奕迅首《阿牛》做主调，起初郭晋安就同张国强讲雪雪要结婚喇！KK即时声泪俱下，之后郭晋安嘅配音就话：“佢宣布结婚之嘛，我哋可以抢亲㗎嘛，有冇听过《阿牛》呀？一头蛮牛，闯情场竟成为一头蛮牛！”之后佢哋两个就相拥痛哭。突然泰臣出现，冲向郭晋安，唔通佢系嚟阻止抢亲，原来佢系话抢亲预埋佢，仲喊住唱：“想过抢新娘，我差点讲真…成婚之前一刻才赶到。”系咪唱出唔少人嘅心声呢，网民就话唱到佢哋痛到入心呀！
戥男女神幸福开心
近呢一两个月，相信大家都好忙，除咗有以上两位男女神封盘之外，仲有啱啱宣布即将成为人妻嘅香香岑丽香、王君馨，同佗紧B吴若希，台湾歌手林宥嘉，一众粉丝网民真系喊湿好多个枕头，应该都搞唔掂呀。虽然心已伤，但见到男神女神搵到佢哋嘅幸福，大家都好戥佢哋开心，就好似周柏豪嘅痴心粉丝咁讲：“他结婚新娘不是我，祝褔他吧。爱情只不过是过眼云烟。”
网民有话儿
Fixxxxn：爱过的女孩们，你哋要幸福呀！
Kexxxx11：柏豪bb我会等你下一个一百年！
Haxxxxxng：一头蛮牛，闯情场竟成为一头蛮牛！雪雪...
Unxxxxee：点解我仲系一个人
Gaxxxxxu：想抢雪雪新娘嘅举手！
复制这条消息，找开手机淘宝即可看到【12.12来了！开宝箱抢1212元现金大红包，还有4亿购物券】￥AAfFzhmg￥
看TVB新剧《幕后玩家》《致命复活》
已关注下方港剧档案公众号ID:gangju01回复剧集名
