40岁生日入院！萧正楠拍剧受伤要坐轮椅

港剧剧透社 · 公众号 · 电影 · 2017-03-24 21:57

正文

看最新TVB剧集

长按上方二维码关注

经典粤语歌曲

ID：gaoxiaoshipin01

萧正楠依家忙紧拍无綫新剧《深宫计》，连寻日（23日）佢40岁生日都要喺工作中度过，佢仲同台前幕后工作人员食蛋糕庆生，原本开开心心，但点知佢喺拍摄期间唔小心整亲，搞到要工作人员推轮椅出入，真系大吉利是。

萧正楠女友黄翠如将男友坐轮椅嘅片，上载咗去社交网，片中睇到着住古装嘅萧正楠，由一名男工作人员推住喺轮椅嘅佢现身一个停车场，萧正楠唱住生日歌畀己听，真系有啲无奈。黄翠如又有留言话：“受伤到医院还会唱歌的怪人…”之后，东网搵到黄翠如问佢萧正楠伤势：“佢吊威吔整亲，依家公司畀佢休息吓先。”而萧正楠自己上载咗一张拍摄时跌低嘅相片，留言：“世事就系咁奇妙，戏里戏外也弄伤脚了！”

估计伤十字韧带

及后萧正楠接受东网访问，讲到佢个伤势，佢表示开咗十几日工，寻晚一个失神就拗亲，佢之后去咗医院诊治，当时急症室医生话冇骨折，估计系十字韧带整伤，要照磁力共振先知情况，佢话：“人就冇乜嘢，系只脚痛啫！”