【艺术空间】ལོ་རྒྱུས་རིང་བའི་གནའ་བོའི་གར་དང་གར་གླུ།

日喀则在线 · 公众号 · 西藏 · 2017-01-12 15:14

正文

● ● ●

歌舞

“

འཛམ་གླིང་ཡོངས་ཀྱིས་གླུ་གར་གྱི་རྒྱ་མཚོར་ཁས་ཆེས་པའི་མཚོ་བོད་མཐོ་སྒང་ནི་རྒྱ་མཚོ་ཆེན་པོ་ཆུ་ཡི་གཏེར།　ཡིན་ཕྱིར་ཆུ་ཕྲན་ཐམས་ཅད་བསྡུས་ཞེས་པ་ལྟར་ཡུལ་ལུང་མི་འདྲ་བ་དང་།　དུས་ཚོད་མི་འདྲ་བ།　ས་བབ་མི་འདྲ་བ་སོགས་ཀྱི་ཁྱད་ཆོས་དུ་མ་ལྡན་པའི་གླུ་གར་གཙང་ཆབ་སྔོན་པོའི་རྒྱུན་ལྟར་ཕྱོགས་དང་མཐའ་མེད་པར་བཞུར་བཞིན་ཡོད་པ་དང་།　ལྷ་མོ་དང་།　གཞས་ཆེན།　སྐོར་བྲོ།　འཆམ།　གར་གླུ།　ལས་གཞས་སོགས་ས་མཐོའི་མཚོ་དང་མཚེའུ་ཡི་གྲངས་ལྟར་རྩིས་ལས་འདས།　དེ་བཞིན་རྣམ་ཐར་དང་།　མགུར་གླུ།　གཞས་མ་གཏམ་སོགས་ཆུ་ཕྲན་ཡན་ལག་གི་ཚུལ་དང་བཅས་པ་མ་ཚང་བ་མེད་པས་གླུ་གར་གྱི་རྒྱ་མཚོའི་མིང་དེ་ངེས་པ་དོན་གྱིས་ཕྱུག་པ་ཞིག་ཡོད།

གར་གླུའི་ཐོག་མའི་བྱུང་ཚུལ་

བོད་དུ་གླུ་གར་དར་བའི་ལོ་དུས་ནས་བཤད་ན།　ལོ་རྒྱུས་ཡིག་ཚགས་ནང་སྤྱི་ལོའི་སྔོན་གྱི་ལོ་རབས་བརྒྱ་ཕྲག་ལྔ་དྲུག་གི་གོང་དུ་ས་ཡི་ལེགས་དྲུག་གི་ཡ་གྱལ་དེ་ཤོ་ལེགས་ཀྱི་དུས་སུ་གླུ་དང་བྲོ་དར་བ་དང་བཙན་ལྔའི་མཐའ་མ་ལྷ་ཐོ་ཐོ་རི་གཉན་བཙན་གྱི་དུས་སུ་གླིང་བུ་དར།　དེ་ནས་རིམ་བཞིན་འཕེལ་རྒྱས་བྱུང་ནས་བཙན་པོ་སྲོང་བཙན་སྒམ་པོའི་དུས་སུ་རོལ་མོ་གཞན་དང་གླུ་གར་རྒྱ་ཆེར་དར་བས་སྤྱི་ལོ་634ལོ་དང་641ལོ་སོ་སོར་བལ་བཟའ་ཁྲི་བཙུན་དང་རྒྱ་བཟའ་ཀོང་ཇོ་གདན་འདྲེན་ཞུ་སྐབས་བོད་འབངས་རྣམས་ཀྱིས་གླུ་གར་དང་རྩེད་མོའི་རྣམ་གྲངས་བསམ་གྱིས་མི་ཁྱབ་པས་བསུ་བ་ཞུས་པ་མ་ཟད།　ལྷ་ལྡན་འཕྲུལ་སྣང་གཙུག་ལག་ཁང་བཞེངས་ཟིན་པའི་རྟེན་འབྲེལ་དུ་རྟ་རྒྱུག་མདའ་འཕེན་དང་།　རྡོ་འགྱོགས།　ལྷག་དོན་དུ་གླུ་གར་དང་འབྲོང་རྩེད་སོགས་རྩེད་ནས་རྟེན་འབྲེལ་གཟབ་རྒྱས་ཞུས་ལུགས་ལྷ་ལྡན་གཙུག་ལག་ཁང་གི་ལྡེབས་རིས་ངོས་སུ་གསལ་བར་བཀོད་ཡོད།　དེ་རྗེས་བོད་བསིལ་པོའི་དུས་འགོར་མངའ་བདག་འོད་སྲུང་གི་རྒྱུད་པ་གུ་གེ་རྒྱལ་པོའི་སྐུ་དུས་སུ་ཤོན་འཁྲབ་སྲོལ་རྒྱ་ཆེར་དར་བས་སྤྱི་ལོ་1040ཙམ་ལ་ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་གདན་འདྲེན་ཞུ་སྐབས་ཤོན་གྱི་འཁྲབ་སྟོན་གཟབ་རྒྱས་བྱས་པ་དག་ད་ཆ་གུ་གེའི་ཕོ་བྲང་གི་ལྷ་ཁང་དམར་པོའི་ལྡེབས་རིས་ཀྱི་དབུས་སུ་གསལ་ཐག་ཆོད་འཁོད་ཡོད།

明日藏历

【艺术空间】ལོ་རྒྱུས་རིང་བའི་གནའ་བོའི་གར་དང་གར་གླུ།

正文

请到「今天看啥」查看全文