求逼真去到尽　吴嘉仪唔留力叉颈杀罗霖

吴嘉仪（阿七）依家拍紧无綫节目《最紧要好玩》同新剧《宫心计2深宫计》，阿七透露今次喺剧中会有好大发挥机会，佢话：“今次喺剧中有好多发挥，好多谢小青姐肯畀机会我试戏。本来我冇咁多戏份，但好多谢小青姐同几位导师，加咗一啲人物嘅背景同内心戏畀我，加上今次嘅对手好多都系重量级人码，真系过足戏瘾，学到好多嘢！”

阿七喺戏中更会同胡定欣、刘心悠、罗霖同张慧仪有唔少打斗场面，阿七指最深刻系同罗霖、张慧仪嘅一场打斗戏：“戏中我想杀罗霖，畀慧仪撞破，为求逼真，我真系用力叉住罗霖条颈，又推慧仪落地，佢哋真系好专业！”阿七又话剧组有三大“班主”：“我哋有三大‘班主’，罗霖系零食‘班主’、慧仪系暖贴‘班主’，而康华康师傅就系自拍‘班主’，所以我哋有好多靓相，日日都拍得好开心！”