以心理学出发　汤洛雯教你5招沟仔绝技！

无綫小花汤洛雯（靓汤）系唔少男士心目中嘅女神，有名畀你叫靓汤喎，就知佢有副靓样，仲要有弗爆身材，天使面孔配上魔鬼身材，简直系冇得输，试问有边个男人抵挡得住先？难怪人人都话女神出击，沟仔百发百中。而靓汤近期拍片教沟仔，实行过几招畀大家，各位姊妹学嘢啦！

单眼放电

无綫官方FACEBOOK专页“myTV SUPER”呢日上载咗短片，片中靓汤一人分饰两角，其中化身心理学家教各位怕丑妹点用小动作表达爱意，仲亲身示范埋效果。第一招就系同心仪对象讲嘢时头部微倾扮cute，呢个时候仲要出动埋一对迷人电眼，不时单眼放电，到时对方实晕晒浪，就连网友睇见都话够晒性感又挑逗，呢招劲掂呀！

埋身亲近对方

第二招系经常笑容满面，不过傻更更嘅笑容自然fail，靓汤教路笑都有技巧，应该要颧部肌肉收缩＋嘴角向上＋眼角出现鱼尾纹，成功挤出得意笑眼，男人见到都冧爆，得咗！如果用咗以上两招，心仪对象都系接收唔到爱意咁点算？靓汤教大家杀食嘅招数，就系主动出击埋身亲近对方，用肌肤之亲传情，获得男神芳心话咁易！

同心颖BB争仔？

不过，心水清嘅网友就话“your face your fate”，贵为女神级嘅靓汤单靠个样已经沟到仔，点使用呢啲招数？仲有网友趁机表白，表示如果靓汤话想做佢女朋友，即刻𦧲饭应兼跪地感恩咁夸张，认真搞笑！不过一班网友唔好ff咁多，皆因片尾靓汤自爆暗恋男神马国明（剧情需要咋！），仲霸气咁话要硬马明BB，摆明同好姊妹黄心颖争仔，大家又点同有楼有车又有样嘅男神斗先？唉......


网民有话儿：

AngelXXXgYin：姊妹们快啲睇片学嘢。
XXmonChXX：使咩出咁多招，靓汤出声话想做我女朋友，即刻𦧲饭应！！！
XXXhaelPeng：靓汤咁多年都系得一个罗天宇，教沟仔无（冇）咩信服力喎！ 
JEFFMAXXX：你的样子如何，呢d（啲）招数嘅成效也必如何。

商务合作QQ/微信：24502371(注明合作)

剧集客服微信：xiaoli-0007