东网新闻“桥王”王祖蓝向来计仔多多，演员、编剧、司仪瓣瓣掂，最近再下一城任工作室老板，短短半年已罗致18名艺人到旗下！祖蓝否认想做娱乐大亨，坦言成立工作室原意是处理夫妻工作，没料愈做愈大。他笑言现时每日24小时不够用，生B计划最少要延至2018年，指太太李亚男乃贤妻良母型，生B后定必长时间照顾小朋友，所以会让她先甜后苦，过完甜蜜二人世界才造人！
误打误撞签咗18个艺人
瓣数多多的王祖蓝近年除了拍剧、编剧等工作外，还到内地参与真人骚节目，身价及名气亦随之几级跳，赚到盘满钵满后，早前更于香港成立工作室。谈到箇中原因，祖蓝表示要由两年前于内地工作讲起，当时参与节目《奔跑吧兄弟》，与一班同事拍住上，渐渐产生默契，及后见公司运作上轨道，便计划于香港成立工作室，主要处理他与太太的日常工作。惟消息传出后，其手机便响个不停，祖蓝说：“啲朋友误会咗，问我会唔会签人，跟住倾吓倾吓就到依家咁，有成18个艺人。（点分身？）最紧要识放手，唔同人处理唔同事，咁啱舅父冼伟智喺亚视工作完咗，佢又有管理艺人经验，所以香港呢边佢帮我手，北京就畀我遇上好团队，两年来合作开心，有同事帮手运作。”
刺激市场目标不仅内地
虽然公司人才鼎盛，但祖蓝仍嫌称是细公司，问到公司未来方向，他即滔滔不绝表示目标不仅是内地：“华语市场都重视，广东话市场就有香港同澳门，亦有好多工作倾紧，希望能够招揽多啲普通话市场，等我哋去到北面地区，畀多啲人知香港仲有好多好艺术家、演员同歌手，都有好多人才。（做娱乐大亨？）唔系，只系稍为刺激吓个市场，当初写《老表》系列，系咪改变成个娱乐圈？冇可能，我哋力量咁小点可以发呢个梦，喺某个角度刺激到编剧市场，依家搞娱乐公司一样，我哋唔可以改变大气候，但刺激少少市场，带多啲工作机会畀大家。”
谈到他于内地人气高企，绝对有Power带领艺人进驻内地市场，祖蓝对此却有另一番见解。他承诺会尽力而为，睇餸食饭，但认为不可以硬推，要看准时机及事件适合与否才实行，否则便适得其反，而最重要是自己先要企得稳，笑言现时尚算不俗：“呢啲嘢上落好快，都要做好多准备同安全部署，好似依家兴真人骚，都唔可以全部嘢喺晒嗰度，要喺剧、影视、网络度平均分布先得，过分经营唔健康。”
唔造人住畀太太抖吓先
每日工作排山倒海，祖蓝不讳言一日仅有24小时绝对不够用：“工作之外都要家庭生活㗎，唔可以因为咁唔理太太同阿妈嘛！”结婚两年的他虽然喜欢小朋友，但却暂未能实践“造人大计”：“要晏啲先，起码过埋呢年，啱啱先同太太搬出嚟自己住，30几岁仔先唔同妈咪一齐住，仲买咗楼畀细佬妹先搬出嚟，如果真系生咗仔，可能都系得番呢年两个人，所以唔想太快生，太太系贤妻良母型，佢生咗就会长时间去凑，惟有正式做妈妈前好好对佢，我会畀佢先甜后苦。”
买楼投资给家人安乐窝
自嘲没有投资心水的祖蓝，表示只懂得买砖头，继去年豪花逾亿买独立屋与太太李亚男过二人世界后，再付800万首期给家人于同屋苑买下花园特色户，问到为何如此豪爽？祖蓝说：“有能力会将最好嘅畀屋企人，我赚10蚊可能畀咗8蚊屋企人，真正自己食要几多？我冇额外投资，妈妈同细佬妹一齐住，佢哋都要负责任，我只系首期帮一帮，细佬妹我都要衡量吓佢哋可以负担到几多，唔可以养晒，咁就唔健康。（再投资？）有机会想试少少，炒股票又冇时间睇，有可能都系物业比较多，买完唔使睇，只要睇入市时间啱唔啱，暂时唔会再入市住，谂吓先。”
场地：A La Maison XXL Seafood & Grill
服装：METAMOR
发型：Ted Yeung
化妆：K.T. Tsui
商务合作QQ/微信：24502371(注明合作)
剧集客服微信：xiaoli-0007
