单文柔畀粉丝闹　展鹏护花：大家明智啲

陈展鹏于早上约11时，在经理人陪同下现身机场，准备为无綫剧《天命》到北京拍摄外景。黑帽、黑超、黑衫、黑裤、黑鞋、黑袋，一身黑衣人打扮的他，获两名fans送机，办理登机手续时，他向现场采访的传媒表示：“我唔会走咗去，阵间Check-in完会做访问！”

展鹏特地出示日前被传媒偷拍他与落选港姐单文柔，摸黑驾车到山顶在车内食饭，并被指撞车后不顾而去，因而到警署备案的报案纸。

单文柔家人担心

有记者问展鹏，是否要恭喜他有拖拍？他说：“大家都睇到啲报道，呢两日都疯狂咁洗版，平时我唔解释咁多，但因为我嘅事影响其他人，要讲声唔好意思。我都想讲番，当晚（被偷拍）后，我去咗湾仔警署备咗案，总之我唔系撞咗车之后不顾而去。（系咪拍拖？）真系冇时间，呢两三个月单文柔好好，帮我做stylist，但我连坐低都冇时间，谂住一边食饭一边倾嘢。（公司想你将恋情低调？）一路都冇要我咁做，今次系自己疏忽，我有同单文柔通电话，佢话屋企人都好担心，我想讲声唔好意思！”

赞对方好心地

问到展鹏有否留意有fans在单文柔instagram丧闹？他说：“件事发生咗，希望大家睇完成件事，消化吓，大家明智啲，我唔系辩护，但记者影得，一定系最爆嘅相，但都只系咁样。（考虑追佢？）佢系好心地女仔，又免费帮我做stylist，睇缘份。（有联络胡定欣，有冇嬲你？）佢话唔系嘛？你咁黑㗎！佢点会嬲我？都系拍嘢。（依家唔谂拍拖？）我都系人，但呢两年边有时间？拍拖唔系一见到你就拍拖结婚生仔。”

商务合作QQ/微信：24502371(注明合作)

剧集客服微信：sys0469114