他出道多年穷到要父母接济 为梦想如今演智障用心演戏！

正文

本文首发于夜听港剧公众号（ytgangju）

TVB新剧《踩过界》除咗剧集题材有话题性，一班演员嘅演绎同样值得讨论，男有王浩信，女有蔡思贝，至于一啲配角呢？可能你冇点留意，但佢哋确实出彩。

其中第一集“弱智青年毒狗案”中饰演智障人士琛仔嘅张彦博，虽然戏份唔多，但就引起唔少观众留意。

讲起智障角色，其实想演好都唔容易。好似以前《肥猫正传》嘅肥猫郑则士、《阿旺新传》嘅丁常旺郭晋安，之所以俾人赞叹奉为经典，就係因为扮得够似，突破到自己将角色代入到一举一动中。

歌手出身嘅张彦博，来到TVB拍剧俾人嘅印象係又愚钝又单纯。佢喺《一屋老友记》饰演“细宝”逐渐俾人认识，今次再戴上眼镜扮智障人士，张彦博直言係好大挑战。

为咗呢次可以演得更真实，张彦博喺拍摄前特意去留意智障人士嘅行为，用心体会佢哋嘅感受，从而更好咁做好呢个角色，事实上佢嘅表演并冇令我哋失望。

冇睇张彦博个样好后生，1980年出生嘅佢今年已经37岁了，而且当年还有好艰苦嘅辛酸史。

各种基层工作，例如派传单、茶餐厅侍应、救生员、电脑维修员等工作，张彦博都做过，穷到要靠父母接济，甚至因此失去多年嘅女朋友。个个都话佢唔得，但佢冇放弃，最后自己上门参加TVB艺训班面试。

虽然来到TVB演出嘅机会唔算多，但总算完成咗张彦博嘅梦想。人穷志不短，係佢身上嘅真实写照，今次《踩过界》希望帮佢带来更多嘅观众缘，以后可以有更多机会拍剧啦！

本文由夜听港剧（ID：ytgangju）Peter原创发布，部分图文整理自互联网

最新剧集《赌城群英会》《踩过界》就在公众号：夜听港剧

长按识别下方二维码 回复剧集名