露膊做小倩！孙慧雪被网民嫌包包面

港剧剧透社 · 公众号 · 电影 · 2016-12-09 21:48

正文

34岁艺人孙慧雪（雪雪）嘅斯文、清纯形象向来深受宅男爱戴，今年佢推出首本兼唯一一本嘅写真集纪念入行十年，大受欢迎，令佢正式升呢“女神”。加上佢喺无綫剧集《纯熟意外》饰演杨言爱一角，获吴启华喺社交网站公开赞赏后，人气迅速急升。当雪雪事业光明之际，雪雪竟然突然宣布今个月23日下嫁圈外男友Edwin Lo，令到唔少宅男同粉丝心碎！

做女鬼都有仙气

待嫁新娘雪雪一向事业心重，就算快将成为人妻，依然唔介意性感演出！唔计今晚大结局嘅台庆剧《幕后玩家》，前排雪雪联同网络红人司徙夹带同女魔术师何颖璇为手机游戏拍广告。雪雪呢次化身经典女鬼聂小倩，着住全白色古装，造型充满仙气（虽然佢系女鬼～）！

“月费399无限任上”

广告讲雪雪为咗生计去帮姥姥打工，不过系以美人计去呃男人钱。雪雪BB不惜牺牲色相，大晒白玉香肩引诱由何颖璇饰演嘅宁采臣，搞到宁采臣忍唔住流晒鼻血！最搞笑系雪雪放咗自己嘅写真集封面，扮街头嘅电讯公司摆档，上面仲写住“月费399无限任上”，盏鬼又抵死！

衰过妍希演小龙女？

虽然呢次雪雪冇晒事业线，但系佢啖系露一露个膊头已经够晒Sexy，相信呢啲机会唔会再有几多次㗎喇！唔少网民大赞雪雪系最靓嘅小倩，不过亦有网民就话点解会搵包包面嘅佢去演小倩一角，仲话衰过陈妍希演小龙女喎！其实靓唔靓嘅嘢，都真系各有各喜好㗎啫，何必太认真呢？

网民有话儿
Bxxxn Lxx：依个小倩沟死仔～～～
Sxx xxn：399？收平啲啦！
Bxxx xxm：姥姥好靓
Wxxxxn Chexxx：即刻粉身碎骨去玩啦，个广告做得好好，支持~~
Hxxxy Paxx：师傅难得咁浓密~~~>_