【魅力藏文】༄༅།། ཀ་རྩོམ་རང་ཉིད་ལ་བྲིས་པ།།

日喀则在线 · 公众号 · 西藏 · 2016-12-30 19:09

正文

༄༅།། ཀ་རྩོམ་རང་ཉིད་ལ་བྲིས་པ།།

རྩོམ་པ་པོ་ལ་རྒྱའི་བུ་འམ་མགོན་པོ་ནས་་་་

ཀ་ཡེ་གསོན་དང་བླུན་རྨོངས་༼ལ་རྒྱའི་བུ།།༽
ཁ་ཙམ་མིན་པར་སེམས་ནས་ཁྱེད་ལ་བྲིས།།
ག་ས་གང་དུ་འགྲིམས་ཀྱང་ཕ་སྐད་སྤྱོད།།
ང་ཡི་རེ་བ་ཕུགས་བསམ་འགྲུབ་རྒྱུ་ཡིན།།
ཅ་ཅོའི་ཟང་ཟིང་དེང་གི་སྤྱི་ཚོགས་ཁྲོད།།
ཆ་ལུགས་སྤྱོད་བཟང་བྱ་བ་བཟང་པོ་སྒྲུབ།།
ཇ་ཆང་རྩེད་མོར་རྒྱུན་དུ་གཡེངས་གྲག་ན།།
ཉ་ཉོག་གཏམ་གྱིས་དུས་ཚོད་འཕྲོ་རླགས་འགྲོ།།
རྟ་བོང་བཙོངས་ནས་སྒོར་མོ་མ་བསག་གཅིག།།
ཐ་ཤལ་ལས་ཀ་དེ་ཚོ་སྤངས་ན་དགའ།།
ད་ཆ་འབྱོར་འབྲིང་སྤྱི་ཚོགས་བཟང་པོ་དེར།།
ན་སོ་གཞོན་དུས་ག་རེ་བྱས་ཀྱང་མཆོག།།
པ་ཏྲ་ནང་བཞིན་བསམ་བློ་མ་འཁྱེར་བར།།
ཕ་རོལ་སུ་ལ་འང་གནོད་པ་མ་བྱེད་གཅིག།།
བ་མོའི་འོ་མ་འདྲ་བའི་རིག་གནས་དེ།།
མ་འོངས་སུས་ཀྱང་འཇོ་འདོད་ཡོད་པ་གྱིས།།
རྩ་བ་སྐད་ཡིག་དེ་ནས་ཉམས་པའི་རྒྱུ།།
ཚ་ཚ་འུར་འུར་ངང་ནས་བོད་ཡིག་སྦྱོང།།
ཛ་དྲག་ཆེ་བའི་རང་གི་འཚོ་བ་དེ།།
ཝ་ལྟར་གཡོ་རྒྱུ་ཆེའོ་༼ལ་རྒྱའི་བུ།།༽
ཞྭ་ལྷམ་གོས་ཡག་གྱོན་ནས་རྫེག་མ་བྱེད།།
ཟ་མ་ཤ་ཆང་མ་སྤྱོད་༼ལ་རྒྱའི་བུ།།༽
འ་བ་འུབ་བེར་ཉི་མ་མ་སྐྱེལ་ཞིག།།
ཡ་རབ་༼ལ་རྒྱ་༽ཅན་གྱི་མི་ཞིག་བྱེད།།
ར་བ་གངས་རི་བསྐོར་བའི་ཕ་ས་དེར།།
༼ལ་རྒྱའི་༽དྲྭ་མིང་སྟོང་པ་ཆགས་ཡོང་ངོ།།
ཤ་ཚའི་སྙིང་གཏམ་ཁྱེད་ལ་བཤད་ཡོད་དོ།།
ས་ཕྱོགས་གང་དུ་འགྲིམ་ཀྱང་གཏམ་དེ་ངེས།།
ཧ་ལམ་བོར་ལ་ཉེ་བའི་སྐད་ཡིག་དེ།།
ཨ་ཁ་༼ལ་རྒྱའི་བུ་༽ཁྱེད་མ་བརྗེད་ཨང།།
༢༠༡༦/༡༢/༢༨ཉིན་་་་་་་

明日藏历 སང་ཉིན་ལོ་ཐོ།

གཞིས་རྩེའི་དྲ་ཐོག

点击“阅读原文”，即可查看“视频”，也可寻找你想要的更多内容。。。