关
注
新
港
人
传
递
正
能
量
香港新港人
互助文明社群
小朋友也不應當眾便溺，更何況樓上就有廁所！
本港網絡（22日）瘋傳影片，顯示有男童疑於港鐵沙田站內尿急，
同行家長疑拿出膠袋讓他「就地解決」，卻被月台職員發現，雙方爆發罵戰。
男職員表示「睇到㗎，上面閉路電視影住㗎」、「罰錢㗎你咁樣便溺，你知唔知㗎」、「你成袋尿」，稱要找同事清潔。
家長向職員展示膠袋，表示未有隨地便溺，「有樽㗎」，又解釋「細路仔嚟（去）唔切㗎嘛」，家長隨即帶2名男童離去。
片段惹來網民討論，不少人指出站內其實有洗手間，質疑「行上去有幾難，咁大個忍一陣都得掛」、「而且男仔（男廁）都唔使排好耐」、
「基本公民意識都無，真心黐線」，亦有人理解小童如廁時間的確無法預計，但認為家長應要預先提醒他們上廁所，「咁咪唔會中途好急尿周地屙囉」。
男童疑於港鐵站內當眾便溺 家長職員爆衝突
片段被網民上傳至facebook群組，片長38秒，可見現場為港鐵沙田站，有位家長正帶同2名手持平板電腦、
目測年約7至8歲的男童
站於月台較角落位置，男童疑尿急，她拿出膠袋讓他「就地解決」，卻被月台男職員發現，雙方爆發罵戰。
片段顯示，男職員先是向該家長表示，「你唔係呀話喺個角落頭，睇到㗎上面，有閉路電視影住㗎24小時」。
該名家長回覆，「我知道呀但係唔會㗎，有樽㗎」，展示膠袋，疑示意男童是小便落樽。
男職員勸對方盡快離開，
「咁你宜家離開呢度定點㗎，你直接行啦好無，要Call清潔嚟清潔㗎」，女子仍堅稱「無嘢呀」，職員指住膠袋反駁「你成袋尿，點會唔係啫」。
家長解釋：細路仔嚟唔切㗎嘛
家長不忿被職員指責，將膠袋放在隨行推車上
，稱「我放喺度得唔得呀」，男職員警告稱「罰錢㗎你咁樣便溺，你知唔知㗎」，
家長又解釋，「唔畀，罰錢，佢瀨咗尿出咗啦，我都出嚟啦」。
男職員無奈回應，「咁你都唔好咁樣啦」。家長繼續辯解，「帶咗個樽啦，細路仔嚟（去）㗎唔切架嘛，我攞咗袋」。職員再勸對方離開，片尾家長帶同2名男童往扶手電梯方向離去。
網民指站內有洗手間：咁大個忍一陣都得掛
許多網民都批評片中家長讓小孩當眾如廁行為，「2個都讀緊小學喎」、「沙田站有洗手間，行上去有幾難，咁大個忍一陣都得掛」、「而且男仔（男廁）都唔使排好耐」、
「周圍放低啲（排泄物），呢啲係家長教育問題」、「基本公民意識都無，真心黐線」。
有留言表示理解小童會「人有三急」，但家長應預先提醒他們上廁所，「搭車之前可以叫小朋友去咗toilet先，咁咪唔會中途好急尿周地屙囉」。
家長被質疑貪方便 「根本佢自己想趕車」
有人嘗試為片中女士護航，認為對方尚算有公德心，「起碼唔係周地屙」，卻被其他網民反駁，猜測職員之所以會咄咄迫人其實有前因，
「估計條片幾秒前佢係畀職員見到，兼鬧佢唔好掉地下撿返起，佢先搵袋袋起」，又質疑廁所距離不遠，對方根本貪方便，「根本佢自己想趕車，唔肯浪費時間帶佢哋去厠所」。
港鐵職員獲讚盡責
有留言則讚揚片中男職員盡責，認為不應縱容隨處便溺行為，「哥哥仔好波」、「地鐵哥已經好克制了」、「要去mtr讚下呢個盡責嘅男職員」、「佢丟袋尿入垃圾桶，穿咗或者綁唔緊，咪又係搞住清潔姐姐」。
目擊事發乘客：周街屙尿仲大聲夾惡
記者翻查網上資料，發現片段最先被人上傳到社交平台，當時有目擊者指「周街屙尿，重（仲）大聲夾惡」，「人哋職員已經叫佢快啲掉咗佢算數，但係呢個女人就硬係要發爛渣」，故引來不少人批評女子行為，惟片段發布不足24小時，片主經已刪除。
這種情況 相信居住香港的寶媽最有發言權，大家帶娃出門都會遇到類似情況，大家都會如何處理呢？
其實 教導小朋友 如何在商場及港鐵識搵洗手間 真係好緊要，如果小朋友已有7-8歲。
歡迎在下方留言！
来源： 部分素材来自于网络，版权归原作者所有，如有侵权请及时联系，我们将立刻删除，谢谢。
有的呢，扫码关注“我要入群”就可以了呢！
