陈禛演技大爆发　嬲爆揭陈国邦“偷食”

公众号经典粤语歌曲ID：gaoxiaoshipin01

里面有TVB最新剧集，只需长按识别关注回复剧集名即可！

罗敏庄同陈国邦嘅爱女陈禛不嬲都系抢眼星二代，一头曲发cute到震，不过近日佢就捉到老窦陈国邦“偷食”，仲拍埋片放上网踢爆老窦㖭！

陈国邦“偷食”陈禛车厘子

原来系陈国邦未经陈禛同意，就偷食咗放喺厨房嘅车厘子，搞到陈禛要同老窦对质，仲畀妈咪罗敏庄拍低佢质问老窦嘅过程，仲放埋上网公开陈国邦“偷食”。片中见到陈禛嬲猪样行去陈国邦面前，质问佢做咩食咗自己啲车厘子，陈国邦就头耷耷、扁晒嘴咁话见到啲车厘子放咗喺厨房，但系又冇写住系囡囡嘅，所以就食咗，佢仲同陈禛讲不知者不罪，想囡囡从轻发落。之后陈禛就自爆自己因为冇得食车厘子而喊，搞到陈国邦要送吻凼番个女，最后就当然大团员结局啦！

平时至like“案件重演”

之后罗敏庄接受东网访问，指段片系“案件重演”，囡囡平时都好enjoy玩“Take Two”：“平时都会成日同佢讲玩‘Take Two’再嚟过，叫佢案件重演做番一次出嚟，佢又会好认真咁去做多次，不过佢咁细个，我哋都冇咩演技训练畀佢，主要系同佢玩。”而陈禛除咗天生识做戏，佢仲好有唱歌天份，平时就会上网睇片听歌，歌瘾起都会即兴跟住唱，真系劲Kawaii！！

商务合作QQ/微信：24502371(注明合作)

剧集客服微信：sys0469114