【魅力藏文】 ༼ རེ་སྐུལ། ༽ རོང་རེ་འབོད།

日喀则在线 · 公众号 · 西藏 · 2017-01-02 09:14

正文

༼ རེ་སྐུལ། ༽

---རོང་རེ་འབོད།

རང་ཚུགས་མ་ཤོར་གཞན་སེམས་མ་དཀྲུགས་ཅེས།

བསླབ་བྱའི་སྙན་ཚིག་ཀུན་གྱིས་ཁ་རུ་འཁྱེར།

དོན་དངོས་ལག་ལེན་གསེར་གྱི་ཐིགས་པ་རེད།

རང་ཚུགས་ཤོར་ཀྱང་གཞན་སེམས་མ་དཀྲུགས་རོགས།

བཏང་དགོས་བྱུག་དགོས་ཟེར་བ་མགོ་སྐྲ་བཞིན།

ཁ་ཕོ་ཁོ་ནས་ཉིན་དང་ཟླ་བ་བསྐྱལ།

དོན་དངོས་བཏང་བྱུག་བྱ་མཁན་ཉིན་མོའི་སྐར།

རང་ཚུགས་ཟིན་ན་བཏང་བྱུག་དགོས་པ་མེད།

བྱས་དང་བྱུང་དང་ཡོད་ན་ཟེར་བ་གསུམ།

གཏམ་གྱི་ཐ་མ་ཡིན་ཟེར་བདེན་པར་མཐོང་།

བྱས་བྱུང་ཡོད་ཀྱིས་དུས་ཚོད་འཕྲོ་བརླག་དང་།

སྟོང་བསམ་ཅན་གྱིས་དོན་དངོས་གྲུབ་ཐོགས་མེད།

དྲིན་ལ་དྲིན་ལན་དགྲ་ལ་དགྲ་ལན་སོགས།

ལན་དུ་སླར་བ་ཧ་ཅང་མང་ན་ཡང་།

དྲིན་དུ་བསམ་མཁན་ཧ་ཅང་ཉུང་ཉུང་དང་།

དགྲ་ལན་འཐབ་ལ་དགའ་མཁན་མང་མང་རེད།

འདོད་ཆུང་ཆོག་ཤེས་ཅན་ལ་བདེ་བ་དང་།

གཡོ་ཁྲམ་ཧམ་པར་དད་པས་དམྱལ་བར་ལྷུང་།

དེ་དོན་རྒྱུ་འབྲས་རྩ་བར་འཛིན་པ་ལས།

སྐབས་འཕྲལ་བདེ་བས་ཕྱིན་ཅི་མ་ལོག་ཨང་།

དངུལ་དང་དབང་གིས་བདེ་བ་ལན་ཅིག་ཐོབ།

གཡོ་དང་རྫུན་གྱིས་ཁེ་སང་ལན་ཅིག་འབྱུང་།

ཆོས་དང་བརྒལ་བའི་བྱ་ངན་མང་དྲགས་ན།

དམྱལ་བར་ལྷུང་བའི་ཆ་རྐྱེན་འཕྲལ་མར་འཛོམས།

明日藏历