他们本应“天生一对”！“踩过界”能否“再续前缘”？

本文首发于 夜听港剧 公众号（ ytgangju ）

虽然《踩过界》喺内地平台率先播放，而且来到 无线都係一星期两集，但观众嘅热情有增无减，就连一至五晚晚播兼有马明阿佘大牌云集嘅《赌城》都唔够抽， 《踩过界》 似乎一开始就赢晒。

点解？无他，作为无线第一部超级英雄剧集，无论係香港还是内地，题材比较有新鲜感，何况呢次无线直接同内地平台合作，令庞大嘅内地观众群体可以第一时间收睇到，而且进度比无线优先，大家将剧集嘅讨论炒到有咁高得咁高。

讲翻套剧，小编向来跟开TVB节奏，播乜睇乜，上星期短短两集似乎就唔够喉，不过依然有唔少亮点。主角王浩信靓仔又醒目，但始终係盲人，身边嘅张振朗显然就係最得力助手。

Btw，张振朗嘅表现被更多内地观众认可，甚至有唔少科普帖，风头唔比主角王浩信差几多。

而张振朗同男主角王浩信“玩”得咁亲密，戏份盖过女主角蔡思贝，难道係 无线 另辟蹊径开创基情 CP ？