多角恋搞到一头烟　唐诗咏唔怕见到蔡思贝

看最新TVB剧集长按关注上方公众号回复剧集名

唐诗咏及洪永城日前宣布分手，随即传闻满天飞，前晚诗咏声泪俱下澄清冇新欢，亦不是贪钱之人，其后蔡思贝及马国明被牵涉入这段恋情当中，今日诗咏到尖沙咀出席新车发布会活动，再次成为焦点，诗咏身穿粉桃红色Tube Dress骚香肩，在台上努力挤出笑容，但眼肿肿盖不住憔悴神色，她在台上讲车经，表示自己喜欢较安全的车：“要硬净保护到我，之前畀人撞到对方架车凹晒，我架车就冇事。”她又食住剧集《不懂撒娇的女人》热潮，用台妹嗲功叫司仪陈智燊买车给她，以普通话高呼：“好棒棒呀！”刚分手的她仍有心情搞笑，表现专业。

诗咏接受访问时开腔为近日的传闻作出回应，神情明显比之前镇定及冷静，期间亦有笑容，问到心情如何，她说：“OK呀！（个样好累咁喎！）唔系呀！呢几日都要开剧，好多谢好多朋友畀鼓励讯息畀我，感受到温暖。（你眼好肿喎，有喊？）水肿呀！我已经好努力跑步，会再跑。（洪永城话心痛你？）有睇到，呢几日都feel到好多温暖，在心中。（心情未平复？）都平复咗喇！恢复咗。（佢咁支持你，有机会再坐低倾吓？）暂时唔讲呢样，我好多谢佢，知道佢都承受咗好多压力，互相支持大家，在心中。”

问到有指洪永城跟蔡思贝有亲密关系才导致分手？她说：“我都知道会有唔同报道出现，我哋分别已经喺网上讲咗要讲嘅嘢，我唔会再讲。（头先你话买车要有安全感，因为之前男友冇？）我梗系唔答你呢条问题啦！（安全感对你好重要？）对每个女人都重要啦！但希望大家唔好代入呢件事度，我哋想保留私隐，唔再交代，希望可以向新目标出发。（之前有人话你听到蔡思贝你就调头走？）当日落雨呀！（见到佢都冇嘢？）系啦！”

问周焯华手下卢启邦是否追她？她说：“呢个唔讲喇！要讲都讲晒。（今次分手牵涉好多人？又蔡思贝又马国明！）系呀！所以都唔好意思，牵涉咁多人，希望告一段落，每个人都有新开始。（卢先生有冇再搵你？）唔讲其他人喇！（公司有冇搵你再了解？）公司同事有留鼓励说话，好多人都有，多谢监制，就算合作过一、两次嘅人都有，好多谢！”

眼浅的诗咏受访期间两度眼湿湿，首先是表示Feel到很多温暖在心中时，到最后讲到得到很多公司同事支持，她再度感动到眼湿湿。

剧集客服微信：xiaoli-0007